Pengikut

Assalamualaikom

.... Terima kasih Allah, Engkaulah Tuhan, akulah hamba ......

Rabu, 1 Oktober 2014

POKARO YANG DEN AMEK-AMEK TAK SUKO: PONYANGAK AMERIKA LATIN

GAMBAR HIASAN (TIADA KAITAN DENGAN CATATAN INI)

Dalam sohaghi duo ni ado duo pokaro yang den sakit hati.

Potamo, tinggakan anak dalam kereto. Cumo kali ni budak yang ditinggakan itu tak mati kepanehan atau lomeh sobab tak dapek udagho. Bapo budak itu panggil Bombo untuk mengeluakan anak nyo.  

Ini bukan kejadian potamo yang dilakukan oleh ibu bapo di kalangan bangso kito. Sobolum ni banyak kali kito donga kejadian yang serupo sehinggo anak-anak malang tersebut meninggal dunio.

Pokaro keduo yang den sakit hati amek-amek ialah mongonai penyangak dari nogaro Amerika Latin. Sobolum ini kito banyak kali donga mereko melakukan pocah ghumah oghang-oghang kayo. 

Bayangkan, nogaro Amerika Latin itu bukan dokek. Konapo nogaro kito yang diaimnyo (aim)? 

Bagaimano pun, kojadian tobahaghu ini sangat-sangat moncaba maruah kito. Sotahu kito nogaro-nogaro Amerika Latin itu tidaklah handa dalam teknologi. Budak-budak kito lulusan kejuruteraan atau khususnya teknologi kejuruteraan jauh lobih handa. Bagaimanapun, tahu-tahu penyangak tu sonang-sonang sahajo membuko poti ATM di nogaro kito. Bojuta-juto duit dalam poti ATM dikobeh oleh mereko dalam sokolip mato. Cesss!!!    

Semuo pihak kono ' alert ' , tegas dan tiado kompromi dalam menangani gojalo cacing sudah naik ko mato ini. Sodomikian, kok nampak oghang yang ado igheh Zico, Socrates, Maradona, Silva dan lain-lain kono waspada @ ' alert '.

Kok igheh Pele pulo lain bab. Biasonya oghang igheh Pele tidak buek kojo pocah ghumah atau rompak ATM. Oghang igheh Pele yang gambut kerinting, kulit hitam pokat, badan bagak serta suko pakai baju puteh borsih banyak tolibek dalam bab ' black money ' dan momikek anak-anak gadis/botino tompatan.

Somuo kono ' alert ', tegas dan jangan ado ' kompromi ' di ateh kaedah apo sokalipun!          
  

2 ulasan:

  1. ujang kutik,

    Agak nya mereka tu telah menghayati giler slogan kita... Malaysia Boleh!!

    BalasPadam
    Balasan
    1. Sdr theolrascal,

      Yang terbaharu - TATAKELOLA

      Padam

" "Kalau hendak tahu dalamnya lubuk, TANYALAH pada memerang"."